.

بالفيديو: هربا من الجفاف... أهالي قرية ام الرمان يلجأون للهجرة

12 حزيران 2018 - 17:23

الشارع العراقي

Alsumaria News Details Back
CloseMe

أم الرمان، أحد اشهر مناطق ديالى بزراعة الشلب لعقود طويلة لكن الاوضاع تغيرت فيها منذ سنوات بعد ان ضرب الجفاف اراضيها وفتك بمقدرات الثروة الحيوانية لترتكب الطبيعة، ازمة قد تدفع الاهالي الى الرحيل بحثا عن مصادر اخرى للحياة.

في هذا السياق، قال مواطن : "دشوف هاي الطيور كدام عينك يعني بسبب المي بسبب المي ماكو كلها ماتت وصارت مجازر، قرية أم الرمان عانت ما عانت ما شافت اي مسؤول طب بيها وكال يأبه شمحتاجين شنو احتياجاتكم شنو اللي تريدونه يعني ابسط حقوقنا ابسط حقوقنا هاي الأساله مال المي اساله يعني بسيطة جدا مجرد بواري يمدهن يوصلنا مي شرب لا اكثر ولا اقل يعني هاي ابسط الحقوق اللي النا". (كلام محكي)
واضاف مواطن: "والله هاي قرية أم الرمان هالشوفونها كدامكم ميتين من العطش لاطير لا شئ كلها فطست هاي الطيور ماتت من العطش حلالنه فطس من العطش حتى البشر مات من العطش جهالنا ينتظرون ابهاتهم لايروحوم للسوق لايجيبولهم دبة مي اكو دبة ومي يشربون ماكو دبة مي ماكو شرب يضلون يلوعون نوبات ساعتين عطش ٣ ساعات من العطش وهاي حالتنا". (كلام محكي)

هذه القرية المترامية الاطراف التي تسكنها مئات الاسر تعيش اوضاعا مأساوية جدا خاصة بعد اعتمادها على الابار التي كانت السبب في بروز الامراض الجلدية مؤخرا.

مواطن قال: "هاي المنطقة مخصصة لزراعة الشلب قديما كنا نزرع الآلاف الأطنان نجهز بيها بالحصار من ٩٨ لحد الان مانزرع غير بس حنطات ويصرفون الما مي بالشتى ومي هم قليل وبالصيف على البيار عايشين شفتوا الابيار كل أربع بيوت خمس بيوت مشتركين بئر لان الابيار اهنا مالحه قلة تطلع حلوه فكل اربع خمس بيوت مشتركين بئر واحد وهاي احنا الصيف كله ننتقل مي شرب ومي غسول من الابيار والله حتى أمراض جلدية صارت بينا وهاي الأشجار شفتوها شلون ميته ومنتهيه يمكن صار عشر سنين ما شايف ابو الري جاي لهنا أو أكثر من عشر سنين ما شايف ابو الري واصل لهنا وماكو المن تشكي". (كلام محكي)

ام الرمان كغيرها من عشرات القرى التي تعيش اوضاعا صعبة للغاية بسبب ازمة الجفاف الحادّ، ما يهدد بنزوح الاهالي في اي لحظة اذا لم تكن هناك اجراءات داعمة اليها من قبل الجهات المسؤولة.

يمكنكم مشاهدة التقرير على الفيديو أعلاه.

0 0 0 0 0
التعليق عن طريق :
بالانفوغراف: الراتب الشهري لعناصر الحشد الشعبي يتجاوز المليون دينار

بالانفوغراف: الراتب الشهري لعناصر الحشد الشعبي يتجاوز المليون دينار

بالانفوغراف: ايران والعراق علاقات قوية رغم العقوبات الامريكية‬

بالانفوغراف: ايران والعراق علاقات قوية رغم العقوبات الامريكية‬

أخبار المحافظات

حمل تطبيق
السومرية الآن

جميع الحقوق محفوظة © Alsumaria.tv 2018

Website by Softimpact