بالفيديو معاناة تعيشها عوائل مدينة الصدر بعد هطول الامطار

هذا الرجل الذي اتخذ من قفص الطيور في سطح منزله مؤى له ولأطفاله بعدما تعرض بيته الى غرق وتلف الاثاث جراء هطول الامطار في الايام الماضية، حاله كحال العشرات من العوائل التي تعيش نفس هذه الاوضاع المأساوية في مدينة الصدر....

قال مواطن : المعاناة والله العظيم هذا السكف ديوكع علينه منكدر نام هنانه مهديين والدتي بصفحة واخويه بصفحه يعني احنه كوة كاعدين بهذا البيت ونكول حسب الله ونعم الوكيل مانكدر هي كوه نلزك بيها ، انتم الحكومه لو واحد منكم غركان ما تسونها بلحظات , نطالب الحكومة تنظر النه تشوف معاناتنه ..

فيما أصبحت بعض البيوت مهجورة من ساكينها كونها غيرمناسبة للعيش، فيما طالبوا الحكومة بانقاذهم وتعويضهم لما لحقهم من خسائر مادية ...

صرح مواطن :هسه البيت مالنه دمر كله دمار هاي غرفة اخشاب كدامك راح نذبها كلها بتث ملاين غرفة اخوية عريس هم راحت حرامات علكناها ومافاد ، ماكو واحد زرانه لا احد شاف معاناتنه لا تعويض كلشي ماكو حتى الجهال مرضى امي كعدناها فوك نشفنه البيت خلف الله على الجيش العراقي الحرس الوطني هم النشفو المي واله الامانه كلي ماسوة

وروى مواطن آخر: والله احنه عانييه بسبب الامطار غراضنه راحت بيتنه راح ظروفنه كلش تعبانه يعني دمرت نفسية المواطن المي بقه اسبوع محد اجه ، نطاب الحكومة بتعويضنه وعدم تكرار ما جرى بهاي الايام السابقة

اضرار لم تنتهي رغم مرور ايام طويلة على هطول الامطار ما يحتم على الجهات المعنية وضع خطط ناجعة لمنع تكرار تراكم المياه مجددا .. سيما ان انتقادات واسعة طالت الجهات المعنية في ظل تحول المناطق الى برك ماء كبيرة.