ما هي أمنية المرأة العراقية في عيد الحب؟

للمرة الاولى في البلاد شجرة للامنيات .. تحتضنها حدائق متنزه الزوراء في بغداد والتي لاقت إقبالا كبيرا من قبل المواطنين وبمختلف الاعمار ليكتبوا امنياتهم العامة والخاصة على هذه الشجرة أملين ان تتحقق ..
مواطن : أمنيتي ان شاء الله العراق يكون بخير وسلام وتتحقق كل اماني العراقيين،، امنيتك الخاصة؟ ان شاء الله يصيرعندي بيت ..
طفلة: اني اتمنه انجح ويحفظلي ماما وبابا وافرحهم بنجاحي ان شاء الله ..

مواطنة: اتمنه اول شيء يعم الامن والامان والاستقرار على بلدنه والنازحين يرجعون لبيوتهم ويرتاحون ويستقرون..

مواطنة:بصراحة الامنية الخاصة ان يحفظلي عائلتي لي هي والدي وزوجي وامنية العامة ان يحفظ الشعب العراقي ويعم السلام لانه ماكو احد ما يحب السلام بصراحه فهذا من كل كلبي ..

القائمون على هذه الفكرة لفتوا الى توزيع الالاف من بطاقات الامنيات، فيما ابدى الوافدون اعجابهم بهذه الفكرة ..

رقية: مسؤولة الشجرة : هي شجرة مال امنيات وعبارة نوزع كارتات مال امنيات للعالم لتجي ويكتبون امنياتهم وتتعلك

بالسياج مال الشجرة والكارتات مجانا للاشخاص ليجون .. وهي بدت صار يومين وهاي اكثر من ثلاثة ألاف كارت تعلكوا على السياج واكو اقبال عليها هواية ..

مواطن: والله فقرة كلش حلوة مرتبة خاصة الكبلات اشوف الامنيات حلوة ..

مثلما اختلفت اعمارهم وتوجهاتهم الحياتية اختلفت امنياتهم ..عراقيون يمنون النفس برؤية وطن امن .. يحققون من خلاله احلامهم البسيطة ..