زيارة المالكي لهيئة النزاهة

لم تكن زيارة رئيس الحكومة العراقية نوري المالكي لمقر هيئة النزاهة لغرض تفقدها كما تجري العادة بل كانت لتسليم بعض ملفات الفساد في مؤسسات الدولة الى الهيئة والتي تساءل المالكي عن التاخر في التحقيق فيها...

لم تكن زيارة رئيس الحكومة العراقية نوري المالكي لمقر هيئة النزاهة لغرض تفقدها كما تجري العادة بل كانت لتسليم بعض ملفات الفساد في مؤسسات الدولة الى الهيئة والتي تساءل المالكي عن التاخر في التحقيق فيها على الرغم من أضرارها الكبيرة على مؤسسات الدولة. وقال رئيس الوزراء نوري المالكي: اني في الحقيقة عندي ملفات في موضوع الفساد ومادري ليش هاي الملفات الخطيرة ماتمشي واكو ملفات تمشي مو قويه، اني عندي ملفات كثيرة على الدفاع ما تتحرك ليش ما تتحرك ملفات الدفاع وهم مسوين ضجيج عليه وحركوه بيه مليارات ضايعه، زين هذي الملفات الي عندي المعكولة الان كله واقفه وكله بيه مليارات الدنانيير والدولارات. المالكي انتقد عمل هيئة النزاهة في متابعة ملفات الفساد في البنك التجاري العراقي والذي اتهم بعض السياسيين بعرقلة تقديمها الى القضاء، معتبرا قضية البنك من اخطر قضايا الفساد في الدولة العراقية. تابع المالكي: ادفع قضية البنك التجاري الى الهيئة وترجع اليه وكلما ادفعها ليش ما ادري مو هو اخطر بنك مسؤول عن اموال وسندات العراق والائتمانات واكو مشاكل تعيق تقديم قضية لان خلفه سياسيين، واني اجاوزت الهيئة في اكثر من قضية وهذه القضية بالخصوص وشكلت لجنة من المؤسسات وجابلولي تقرير برفع اليد عن البنك، الى الان متابعة ملفات الفساد في البنك التجاري لاتوجد على الرغم من المعلومات التي وصلتنا تبين ان بعض المقاولين اخذو سلف بدون ضمانات ووصلت المبالغ الى 900 مليون دولار. المالكي كشف عن اعتقال مدير بنك البصرة بمبادرة شخصية منه بعدما عجزت الهيئة عن تحريك قضيته والتي تتضمن اختلاس مبلغ نحو 340 مليار دينار عراقي، مبينا ان بعض السياسيين الذين يتعاملون مع مدير البنك طالبوا بالافراج عنه مقابل ضمانات تم رفضها. أضاف رئيس الوزراء العراقي: ليش ابو بنك البصرة ما يعتقل الا باجراء ماعندي بعد اختلاسه 340 مليار دينار واني اسوي الاجراء وهذي الاموال مال الشعب العراقي،وحالوا حيتان السياسية يطبلوه عن طريق هيئة النزاهة ويهدوه بس اني كتلهم نقلوه يمي، هسه قبل يومين اجوني كلولي ليش ما تفرج عنه ونطيك ضمانات مال عقار وارضي كتلهم اذا محد ينطي ضمانات اموال ويخليه لحين يسدده. المالكي اتهم بعض الجهات الرقابية بمحاولة ابتزاز الشركات العالمية التي تحاول الاستثمار في العراق، ملمحا الى ان شركات دول اوروبا الشرقية كانت تتفاوض مع المسؤولين حول دفع الرشاوى. وختم المالكي قائلاً: المالكي الان موجود المقاول او الشركة الاجنبية يتعرضون الى الابتزاز واحيانا يتعرضون الى الابتزاز من نفض مواقع الرقابة او من دوائر الرقابة، صح ان الشركات الاجنبية المحترمة لاتقدم رشاوى لانها تحترم سمعتها لكن الشركات من المنظومة الاشتراكية السابقة مستعدين للتفاوض بخصوص هذا الامر. الانتقادات التي وجهها المالكي خلال زيارته الى هيئة النزاهة لم تقتصر على الهيئة فقط اذ اتهم مجلس النواب العراقي بانه أطلق المفسدين والقتلة من خلال قانون العفو العام للعام 2008 والذي اكد انه سيرفض اي قانون شبيه له اذا حاول البرلمان تمريره.

زيارة المالكي لهيئة النزاهة

أمن

سياسة

أمن

المالكي

لهيئة

النزاهة

مجلس النواب العراقي

قانون العفو العام

الحكومة العراقية

الشركات العالمية

الدولة العراقية

الدولة العراق

البنك التجاري

نوري المالكي