سوء الخدمات في العاصمة

هذا الشاب لم يجد فرصة افضل من هذه للاصطياد، لكن ما يحاول اصطياده هو الابتسامة، وما شجعه هو امتلاء اغلب شوارع بغداد بالمياه جراء الامطار الغزيرة التي شهدتها العاصمة العراقية خلال اليومين الماضيين فاضت...

هذا الشاب لم يجد فرصة افضل من هذه للاصطياد، لكن ما يحاول اصطياده هو الابتسامة، وما شجعه هو امتلاء اغلب شوارع بغداد بالمياه جراء الامطار الغزيرة التي شهدتها العاصمة العراقية خلال اليومين الماضيين فاضت كل بغداد واحنه فيترية شغل ماكو محد وصلنه اليوم فشنسوي نروح نصيد سمج احتمال يجي من الشط ويجي بالمطر لان تعرف راحت بغداد فما ميزنه بين الشط وبين الشارع،ومن الصبح ليهسه محصلت ولا سمجة. بغداد لم تشهد امطاراً غزيرة كهذه منذ مدة ليست بالقصيرة لكن هطولها الذي دفع بعض السكان لاظهار جزء من مهاراتهم لم يجلب الفرح للجميع بل على العكس فان الكثيرين تذمروا من اداء الدوائر البلدية التي نفت وجود تلكؤ من جانبها بلدية قاطع الكرادة/ هذا الشارع جان فايض والحمد الله هسه لو تشوفة تقريبا انتهى، هسه احنه ما عدنه تلكؤ هذا الشارع لو جاية قبل ساعتين هواي اختلف عن هسه هسه خلص تقريباً واي واحد يكدر يمشي بي. علي / مواطن (دخلنه بشارع ارتفاع المي عن السيارة 63 سنتم واني اتقصدت اخذ الفيته ويايه باوع وشلت الشوتة مال السيارة 63 سنتم وطب للسيارة المي). محمود / مواطن/ (كل متمطر الدنية تصير هاي الحالة، يرادلنه ابلام شلون نروح ونرجع هاي مو كلهة مي مال نكاسة مو مال مجاري زين هاي منطقة رئاسية وهيج الله يساعد المنطقة الي بحي طارق ومناطق داير بغداد شلون الناس تروح وترجع اذا هاي بالكرادة وهيج). ويبدو ان من شاركوا في صلاة لنزول الامطار قبل ايام سيشاركون في صلاة اخرى لتجفيف شوارعهم خاصة وان الضعف في انظمة الصرف الصحي جعل العراقيين يبحثون عن التوازن بين الجفاف وبين الغرق.

سوء الخدمات في العاصمة

أمن

سياسة

أمن

الخدمات

العاصمة

الدوائر البلدية

الدوائر ال

حمد الله

الكرادة

حي طارق

العراق

بغداد

حمود