عيد الحب في العراق

استغل العراقيون يوم الحب لتجديد رفضهم للتفرقة بين الأديان والشعوب معتبرين ان يوم الفالتين المصادف في الرابع عشر من شباط على الرغم من أنه عيد غربي فإنه عيد أيضا للعرب الذين كان لهم معه قصص. الحب لكل...

استغل العراقيون يوم الحب لتجديد رفضهم للتفرقة بين الأديان والشعوب معتبرين ان يوم الفالتين المصادف في الرابع عشر من شباط على الرغم من أنه عيد غربي فإنه عيد أيضا للعرب الذين كان لهم معه قصص. الحب لكل الاديان واطوائف فحب الزوج والام والابن واحنا منكدر انعيش بدون حب والعرب هم اصحاب قصص الحب قيس وليلى وعنتر وعبلة فأصل الحب عند العرب مواطنه: عيد الحب مو بس للأوربيين لاهذا هم للأسلام ماطول اسوي فرح للناس لازم نحتفل بيه . مواطن: الحب مناسبة كلش حلوة والواحد لازم ايعيشها اذا هسه محتفل لعد شوكت راح ايعيشه هاي عادات وتعاليد قديمه لازم احنه نطور ونشوف دول العالم ونعيش . مواطن: الحب لايتحدد بفترة معينه ولابطائفه لان رب العلمين من خلق ادم وحواء خلق الحب واذا محتفلنا راح نخسر هذه السمه الراقية واني ماعتقد الاحتفال ايخص المجتمع الاروبي بس. المواطنون الذين سلموا بأن الحب للجميع، وقفوا امام قناعة أخرى تؤكد أن مردود هذا الحب كان فقط على التجار والباعة. مواطن : بالنسبة للتجار كاعد يستغلون هذا الموقف حيث جانت الهدايا قبل هاي المناسبه بخمسة الاف ب15 و20 الف ليش يستغلون هذا الموقف ميخافون من الله وهي مناسبه الواحد ينتظرها كل سنه افكر اشتري شي الزوجتي بس ماعندي امكانيه فراح اشتري شي صغير افرحها بيه . مواطن: كاعد تضاعف اسعار الهدايا كل سنه شنو الدبدوب كاعد يكبر يمكن الدبدوب الجبير سعره خمسين الف والسله مال عيد الحب 100 الف لازم ااينزلون الاسعار علمود الكل يحتفل . اما بالنسبه لاصحاب المحال فقد اشارو الى ان اسعار الهدايه ثابته لكن المواطن غير معتاد على شرائها في الايام الاعتياديه فيلاحظ انها غالية الثمن . صاحب محال لبيع الهديا : بالنسبة للأسعار ثابته بس تعرفون ابعيد الحب ايصير اقبال على الهديا فيشعر المواطن انها اسعارها غالية الثمن . صاحب محال لبيع الهديا : والله هي نوعيات اكو درجة اولى واكو ثانيه وحسب النوعية وهي تجي غاليه من المصدر وعندي تبدي من الخمسه وانت صاعد . يبدو ان حتى الحب في البلاد بثمن فبين العادات والتقاليد وجشع التجار يبقى المواطن العراقي مستسلم الى الامر الواقع بانتظار حب الدولة، أن يغدق عليه الخدمات.

عيد الحب في العراق

أمن

سياسة

أمن

العراق

أبراج

على السومرية