ردود شعبية على مسألة الاقليم في صلاح الدين

الفدرالية التي اعلن عن تبنيها في صلاح الدين كانت حديث التجمعات الشعبية في بغداد.. فللوهلة الأولى كان الرفض سيد الموقف إما لعدم معرفة البعض بما تعنيه الفدرالية او لتخوف البعض الآخر من أن تحول...

الفدرالية التي اعلن عن تبنيها في صلاح الدين كانت حديث التجمعات الشعبية في بغداد.. فللوهلة الأولى كان الرفض سيد الموقف إما لعدم معرفة البعض بما تعنيه الفدرالية او لتخوف البعض الآخر من أن تحول الفدرالية العراق إلى محافظات غنية وأخرى جائعة.. ابو محمد (باجر او بعد باجر اذا صار اقليم شنو اروح بشهادة جنسية لو جواز سفر احنا شعب واحد منريد العراق يتجزأ ..اني اكدر اكولج من 100 ثمانين من الشعب العراقي مايقبل هذا الشي ) ابو احمد(الاقاليم مابيها منين تاكل ؟ النجف وكربلاء عدها عتبات مقدسة تكريت عدها الطاقة الكهربائية ومصفى بيجي والا باقي الاقاليم يكتلها الجوع اذا صارت اقاليم) ابوعبدالله (مثل ماشفنا قبل 4 سنوات رادوا يسوون بالمحافظات الجنوبية وفشلت وهسة الغربية والرمادي احنا ماعدنا هيج مو علمود راحت بعض الاجهزة الامنية اعتقلت واحد من جامعة صلاح الدين اجي واريد اقليم ..ليش من جانوا الامريكان ماطالبوا ليش هسة من دا ينسحبون ؟) لكن البعض من مواطني العاصمة يعتبرون خطوة الاقاليم تكاد تكون لها مبرراتها ويجدون في إقامتها حلاً لإدارة البلاد وتخفيف العبء عن المركز. ابو رائد (احسن قرار اللي هو موضوع الاقاليم كل اقليم يدير شؤونه حتى يخفف العبء والضغط على الحكومة المركزية هذا شي مقبول) ابو عمر (اكو حس انو اكو خلف الكواليس تكتل قوي لأن همة ماسبقوا هاي الحالة بخروج القوات الاميركية اذا مامستندين على كتلة قوية) وفي الوقت الذي تتابين في الآراء السياسية والشعبية بخصوص جدوى الاقاليم من عدمها يقف الرأي القانوني يقف موحداً تجاخه الاليات القانونية والدستورية لإقامة اي فدرالية. طارق حرب /خبير قانوني (الاشكال الموجود ان قانون تكوين الاقاليم لم يحدد الية اجراء الاستفتاء !ماهي عدد الاصوات المطلوبة ؟...القانون تجد فيه مايخص ان تندمج محافظة مع اقليم لم يتكلم عن استفتاء المحافظة تتحول الى اقليم يعني اللي كتب هذا كان في باله كركوك واقليم كردستان ..هذا يحتاج ان يصدر قانون يتضمن الية اجراء الاستفتاء في المحافظة اللي تتحول الى اقليم) ويرجح مراقبون أن تلاقي مسألة الاقاليم الفدرالية صعوبات بسبب خلافات قد تثار خارج وحتى داخل الدستور الذي رفضته المحافظات الغربية في العام الفين وخمسة لاحتوائه على قانون الاقاليم اصلاً، وبسبب كون المحافظات المطالبة بالفدرالية كصلاح الدين من المحافظاة الداخلية التي لا تمتلك حدودا خارجية تؤمن لها استقلالية الاقليم.

ردود شعبية على مسألة الاقليم في صلاح الدين

أمن

سياسة

أمن

شعبية

مسألة

الاقليم

الدين

الطاقة الكهربائية

الحكومة المركزية

اقليم كردستان

صلاح الدين

الامريكان

صلاح الدي

طارق حرب

ابو محمد