التظاهرات في قضاء الدغارة وكربلاء

محامو كربلاء تضامنوا أيضا مع زملائهم في بغداد لكن مطالبهم اختلفت وتركزت على الخدمات التي يفتقدونها كمواطنين. جمهور كاظم / محامي المفروض الذي ينتخبه الشعب ينزل الى الشارع ويلاحظ ويتلمس الام الناس...

محامو كربلاء تضامنوا أيضا مع زملائهم في بغداد لكن مطالبهم اختلفت وتركزت على الخدمات التي يفتقدونها كمواطنين. جمهور كاظم / محامي المفروض الذي ينتخبه الشعب ينزل الى الشارع ويلاحظ ويتلمس الام الناس ويعبر عنها . هاشم عبد الحسين / محامي الوضع تعبان ومزري وماكو مسؤول يهمه الوضع وانما همه الوحيد هو الجلوس على الكرسي واخذ الرواتب . قيس العامري / محامي الشعب هو الذي اوصل الحكام الى الحكم وهذا اشبه بالعقد بين الطرفين وبالتالي فأن اخلال الحكومة بالتزاماتها يبيح للشعب ان يكون في حل من التزاماته . اما في الديوانية المحاذية لكربلاء فلم تمنع تهديدات اعضاء مجلسها بقمع التظاهرات هؤلاء من الخروج مجددا للاحتجاج. فالعشرات من أهالي ناحية الدغارة تظاهروا الخميس احتجاجا على تردي الخدمات والفساد مطالبين بحل المجلس البلدي .. حيدر الزاملي / مواطن نطالب بحل المجلس البلدي واجراء انتخابات ثاني شي اكو بعض الناس والمسؤولين في المحافظة يهددون بالتظاهرات مثل الاستاذ فاضل موات يكول نسوي مية صولة فرسان عالتظاهرات اني بس اكله شي واحد صولة الفرسان مو انت تسويهه الي يسويهه الشعب . محمد العبادي عنده واسطة يتعين واذا ماعنده والله العظيم ينطون عشرين ورقة وتلاثين وما يتعينون . عماد جواد كاظم / مواطن الناس الشيوخ او الناس الوجهاء بداخل المحافظة الي يمثلون فهوه ما كاعد يعاني مثل ما يعاني الفقير ولا كاعد يفكر بينه وهو كاعد يفكر بمصلحته الخاصة زكاعد يجامل بقوت الشعب . احمد ماجد / مواطن اكو مشاريع استثمارية اندفعت فلوسهه والمشاريع ما تنفذت احنه نريد اجتماع ممثل من المجلس البلدي ومدير ناحية نكعد نريد نعرف هاي الاموال وين راحت . المسؤولون في المجلس البلدي اعترفوا بتردي الخدمات في الناحية عازين الاسباب الى قلة المخصصات المالية من دون ان يعترضوا على مطلب المتظاهرين بحل المجلس واجراء انتخابات جديدة . هادي الهلالي / رئيس المجلس البلدي في ناحية الدغارة هناك تردي في الخدمات بسبب قلة التخصيصات المالية لم تصل تخصيصات منذ زمن بعيد . نؤيد اجراء الانتخابات احنه ايضا اجينه بطريق ديمقراطي ونؤيد وصول عناصر مثقفة وعناصر واعية الى المجالس والى ادارة الناحية . وعلى ما يبدو فإن قطار التظاهرات المتنقل بين المحافظات العراقية يسير بشكل اوثق واسرع مما تسير فيه عجلة الخدمات وغيرها مما يطالب به المتظاهرون .

التظاهرات في قضاء الدغارة وكربلاء

أمن

سياسة

أمن

الدغارة

وكربلاء

المجلس البلدي

محمد العبادي

حيدر الزاملي

رئيس المجلس

عبد الحسين

مجلس البلد

الديوانية

جواد كاظم