ساحة التحرير لن تخلو من التظاهرات اليوم

يبدو ان ساحة التحرير لن تخلو هذه الجمعة من التظاهرات بعدما خلت منها الجمعة الماضية بسبب عيد الفطر.. فالتحشيدات التي يقوم بها منظمو التظاهرات عبر وسائل متعددة ربما تعطي صورة عن حجم المشاركة فيها والتي...

يبدو ان ساحة التحرير لن تخلو هذه الجمعة من التظاهرات بعدما خلت منها الجمعة الماضية بسبب عيد الفطر.. فالتحشيدات التي يقوم بها منظمو التظاهرات عبر وسائل متعددة ربما تعطي صورة عن حجم المشاركة فيها والتي يقول منظموها انها ستحظى بحضور جماهيري كبير .. احد منظمي التظاهرات متوقعين باجر عدد كلش جبير بسبب التحضيرات اللي دعينا بيها من نشر بوسترات ودعوات بين الناس والعمل عالفيس بوك وعلى الانترنيت بصورة عامة مواقع التواصل الاجتماعي دعينا للتظاهرة بصورة كلش جبيرة وحتى اعلاميا .الجمعة اسمها جمعة البقاء حتى نثبت انه احنه باقين كشعب يطالب بحقه. احد منظمي التظاهرات الجهد الاكبر على التحشيد انه باجر المفروض الناس اغلبها نخليها تطلع ويانة بالتظاهرات هذا اهم جهد احنه الان دنبذله لكن منظمي التظاهرات لم يستبعدوا أيضا أن تشهد هذه التظاهرات بعض الاعتقالات على خلفية التظاهرات السابقة. احد منظمي التظاهرات اتوقع الحكومة خلال هاي ممارساتها تحاول التخويف اكو ترهيب ضد المظاهرات يعني ماعرف شنو هذا الخوف من هاي المظاهرات البعض يكول همة 200 او 300 متظاهر اذا 300 متظاهر وتكول هذا العدد قليل ليش خايف منه ؟؟ احد منظمي التظاهرات واجهنا الكثير من الصعوبات من قبل الاجهزة الامنية القوات الامنية اخر تعرض حدث اليوم كنا اني وزملائي كنا نعلق بوسترات ..من سياسة الحكومة في المظاهرات السابقة خرجنا وكلشي شفنه بيها احنه خارجين باجر للتحرير متوقعين اي شي يكون الكثير من المواطنين أبدوا تأييدهم لهذه التظاهرات مؤكدين استعدادهم للخروج إلى حين تحقيق مطالبهم التي يصفونها بالمشروعة . مواطن ماكو اي اصلاحات صارت بالحكومة ماكو وادعو من الحكومة اكثر من 100 مرة ان يسوون اصلاحات حتى لايصير حالنه حال الدول تونس ومصر وليبيا وسوريا مواطن نؤيد هذه التظاهرات ونطالب بكل الاصلاحات كهرباء ومي وكلشي يعني مواطن والله احنه بالنسبية النه نؤيد هذه المظاهرة ونؤيد استمرارها لحين ما تتحقق المطالب مواطن هاي المظاهرات بنفس كل عراقي لان هو حقنة واحنه مارايدين شي غير حقنه .. ويتوقع مراقبون أن تشهد هذه التظاهرات حضورا كبيرا خاصة وأن مهلة الستة أشهر التي أمهلها زعيم التيار الصدري مقتدى الصدر للحكومة لإعادة ترتيب أوراقها قد انتهت ولم تنتهي بعد ملفات عدة مازال يعاني منها المواطن .

ساحة التحرير لن تخلو من التظاهرات اليوم

أمن

سياسة

أمن

التحرير

التظاهرات

اليوم

ساحة التحرير

مقتدى الصدر

تيار الصدر

مقتدى الصد

فيس بوك

الصدر

الفطر

ﻹعادة