متعة مليئة بالمخاطر في مدينة العاب الديوانية

قد تحتاج الى الحظ اكثر من المال لقضاء وقت ممتع في مدينة العاب الديوانية.. فانقطاع التيار الكهربائي عن الالعاب وبقائك معلقا في الهواء كما هو الحال في هذا المشهد امر وارد جدا.. هذا إن لم تتعرض الى ما...

قد تحتاج الى الحظ اكثر من المال لقضاء وقت ممتع في مدينة العاب الديوانية.. فانقطاع التيار الكهربائي عن الالعاب وبقائك معلقا في الهواء كما هو الحال في هذا المشهد امر وارد جدا.. هذا إن لم تتعرض الى ما هو اخطر كالسقوط من العاب أخرى يؤكد زائرو هذه المدينة انها تفتقر الى ابسط شروط السلامة . طفل اريد العاب الكترونية مثل العاب اربيل وتكون نظيفة مو مثل هاي صبخة . مواطن نتأمل شوية نظافة شوية اشجار يعتنون بيهه العاب جديدة ياريت منبقة على هاي الالعاب القديمة يعني مستوى السلامة بيهه كلش ضعيف اني ما أمن مرات حتى اخلي طفلي يصعد بيهه . مواطن مدينة العاب الديوانية نجد فيها عدم التطور في قضايا الاجهزة مثلا ديلاب الهوى قديم صارلة فترة والحدائق غير جيدة ما بيهه اهتمام . وحتى لو حاولت تجاوز كل هذه المشاكل بالجلوس والاكتفاء بتبادل الحديث فإنك من النادر ان تجد مكانا مناسبا للجلوس غير هذه المصاطب المتهالكة. مواطن ليش احنه هيج هل ياترى من المستثمر او المؤجر او من المسؤول واني اريد اكول للمسؤول بالديوانية فروا دفة العمل بالديوانية . مواطن صار اربع سنوات راح نسوي وراح ندعم ولحد الان ماكو شي اي حجي صدك ماكو . تساؤلات مواطني الديوانية عن المتسبب بجعل مدينة الالعاب الوحيدة في المدينة على هذا الحال وجدت ردا غريبا من قبل اعضاء حكومة المحافظة المحلية، فهم يؤكدون انهم بانتظار انقضاء ايام العيد لتصليح الالعاب . سالم حسين علوان / محافظ الديوانية اغلب المحلات هاي مال الالعاب هاي العاب اهلية وبالتالي هو المساطح لايديم هذه المحلات بشكل صحيح واحنه ننتظر ان تنتهي مناسبة العيد وسنقوم المحافظة بتدقيق الالعاب حرصا على سلامة الاطفال وفيما يتساءل مواطنو الديوانية عن المناسبة غير العيد التي سيستعد اعضاء حكومتهم المحلية لها بتصليح الالعاب.. يكشف الاعضاء ان مشروع اقامة مدينة العاب جديدة في المحافظة هو الاخر يواجه مشاكل مع المستثمر حتى قبل الشروع به.

متعة مليئة بالمخاطر في مدينة العاب الديوانية

أمن

سياسة

أمن

مليئة

بالمخاطر

مدينة

العاب

الديوانية

حسين علوان

الديوانية

سالم حسين

الحدائق

الديوان

اربيل

علوان

ديوان