الفنان عبد المنعم عمايري يتعرض لضرب عنيف.. وابنته تطالب بحقه (فيديو)

كشفت مريم ابنة الممثل السوري عبد المنعم عمايري الزوج السابق للفنانة أمل عرفة، عن تفاصيل تعرض والدها للضرب من أحد الاشخاص في الشارع بدمشق.

وروت مريم عبر خاصية "الستوري" على صفحتها الخاصة عبر موقع "انستغرام" تفاصيل ما حصل حيث قالت: "بلد حرة؟ وين الحرية إذا واحد قام بضرب أبي قدام عيوني وابي مرمي على الأرض مغمى عليه! هي هي الأمانة والثقة بإنه نعمر بلد جديدة، قد أبوه وعم يضربوا ويرفسو برجليه عكبدو! ما شاء الله فعلا شي بيرفع الراس".

وأضافت: "وين القانون وين الحكم وين الدين والشهادة؟ دينك بيسمحلك تمد ايدك وترفع سلاح عواحد قد ابوك؟ وين الاخلاق بإنك تضرب زلمة قد ابوك لتخليه يغمى عليه عالأرض؟ القانون وين والدين والشهادة وين؟ ما قلتولنا بلد متحضر ما بيسكت عالقانون، حق ابي مين بجبلي ياه؟ حق ابي والمنظر يلي شفنا انا واختي مين برجعلنا ياه؟".

وتابعت مريم قائلة: "ما قلتلونا نحن سوا لنعمر البلد ونساعد الناس ونكون إيد بإيد لنساوي سوريا الجديدة؟ ما قلتو رح تحمو الكل؟ وين الحضارة"؟.

وأردفت ابنة الفنان السوري قائلة: "دينك ما بيسمحلك تسمع كفر وسب الله بس بيسمحلك انك تضرب واحد اكبر من أبوك؟؟ في قانون بتروح بتشتكي لو غلط وبتتصرف بكل قانون ووعي يا محترم، يتقوم بدينك وشهادتك بتضرب واحد ليغمى عليه!!".

وذكرت أن والدها أجرى عمليتين جراحيتين، حيث قالت: "أبي عامل عمليتين بكبدو ومرارة.. ماصرلو كم شهر طايب منها ممنوع يحمل شي تقيل ولا يقرب حدا ع هدول المناطق يلي بجسمو.. بقوم برفسو بالبارودة ع كبدو اووووووووف ع الحضارة أوووووف ع الحرية شو حلوة انا هيك".

هذا وأكدت مريم عمايري أن والدها عبد المنعم لن ينفي ما حصل، مشددة على أن ما نشر وما يتم تداوله صحيح.

كما تداولت صفحات على مواقع التواصل الاجتماعي مقطع فيديو لابنة عمايري نددت من خلاله بما حدث، حيث قالت إن والدها حتى لو تلفظ بعبارات مخلة هناك قانون يحاسبه ولا يحق لأحد أن يعتدي عليه.

مريم عمايري ابنة النجم #عبد_المنعم_عمايري بعد تعرض والدها لضرب مبرح امامها في دمشق اليوم
…
كل الحب للنجم عبد المنعم ونشالله يكون بخير🙏🏻#سوريا pic.twitter.com/A2p6TGsLal
— rose Is (@rose91el) January 10, 2025