بالفيديو: الركود يصيب جميع مفاصل سوق السنك

هذه الصور ربما تبيّن حالة الكساد التي اصابت الحركة التجارية في سوق السنك لبيع الأدوات الإحتياطية والعدد اليدوية والكمالية للسيارات وسط العاصمة بغداد.

هذه الصور ربما تبيّن حالة الكساد التي اصابت الحركة التجارية في سوق السنك لبيع الأدوات الإحتياطية والعدد اليدوية والكمالية للسيارات وسط العاصمة بغداد.

واعتبر عبد الكريم رحيمة ، احد الباعة في سوق السنك، أن "السبب الرئيسي هو الوضع الامني في العراق والبلد في حالة حرب فينعكس على كل المجالات".

وقال فؤاد عبد حسين ، احد اصحاب المحال في سوق السنك: "طبعا هو كلشي مرتبط وين بالدولار بالتلفزيون تشوف بالليل يطلعون يكولون يابه احنه راح نصرف للمصارف الاهلية الدولار بهلكد سعر ثاني يوم تجي الدولار اذا جان بالف وميتين يصير بالف وميتين وخمسين شنو السبب متعرف".

باعة التجزئة والعاملون في هذه السوق كان لهم نصيب من مشكلة الركود التي أصابتها .

ويقول فادي عزيز، احد الباعة في سوق السنك: "ساعة بالعشرة اجيت للشغل اني، ماكو ركود كاعدين وساكتين ركود كاعدين حته السوك مالتنه كبل من جنت تجي بيه تشوف العالم متكدر تتمشه بيه هسه الله وكيلك الدتشوفهم كلهم لو اهل الجنابر لو اهل المحلات ديتمشون بالسوك".

ويضيف عامر انور ، عامل: "المحلات واكفة هذا كليته واكف يعني اني عل عربانة اروح اشتغل منا كلهه واكفة يا دوب المصرف اطلعه بالكوه الحالة كلهه تعبانة".

وتعاني معظم الاسواق التجارية في العاصمة من مشاكل بسبب الازمة المالية والاوضاع الامنية في البلاد، في وقت قرر مجلس الوزراء استيفاء ضرائب جديدة على السيارات بدءاً من آب المقبل ما يفاقم حالة الكساد في سوق السنك ببغداد.

يمكنكم مشاهدة التقرير على الفيديو أعلاه.

بالفيديو: الركود يصيب جميع مفاصل سوق السنك

محليات

بالفيديو: الركود يصيب جميع مفاصل سوق السنك

هذه الصور ربما تبيّن حالة الكساد التي اصابت الحركة التجارية في سوق السنك لبيع الأدوات الإحتياطية والعدد اليدوية والكمالية للسيارات وسط العاصمة بغداد.