بالفيديو: مدينة الصدر تعاني من طفح مياه المجاري

بعد مرور أسبوع على الأمطار التي تسبّبت بغرق أغلب مناطق العاصمة بغداد، لاتزال أحياء مدينة الصدر تعاني من طفح مياه المجاري داخل المنازل

بعد مرور أسبوع على الأمطار التي تسبّبت بغرق أغلب مناطق العاصمة بغداد، لاتزال أحياء مدينة الصدر تعاني من طفح مياه المجاري داخل المنازل، وسط غياب الدوائر الخدمية المعنية وانشغال امانة بغداد بمعالجات ترقيعية.

ويقول مواطن: "المجاري كلها مسدودة هذا مال مجاري جاي تشتم الريحة انت كلها مجاري وامراض يعني هاي جاي انظف ونرجع ليوره ماكو اي فائده يعني هي مسدودة مناك مسدودة من الشارع لو يجي صاروخ هسه يضربها راح ينزل كله بس هو الصاروخ ميجي يجي بس ابو الشافطه يشفط ويروح هم وزارة الدفاع يجي ووزارة النفط خلف الله عليهم".

ويضيف مواطن آخر: "مياه الامطار خبطت ويه مياه المجاري ودخلت لبيوتنه ومثل مجاي تشوف البيت تاكل من وره مياه الامطار بعدله مطره وحده ويوكع البيت هاي شوف حالنه باكثر بيوت مدينة الصدر وين تروح العالم امانة بغداد جاي ادز اليات قليلة ".

ما خلّفته مياه الامطار من آثار سلبية وأضرار على الكسبة من المواطنين كان كبيرًا، بسبب غلق محالهم التجارية فضلا عن تلف بضاعتهم وكل ما يستخدمونه من معدات لانجاز اعمالهم.

ويقول مواطن: " اني محلاتي عالشارع هنا صار 9 ايام محل ايجاره يوميه 60 الف من وره المي كاعد مصرف وعطلاات الماطورات، كلها محتركة المحل كله معطب يعني فتحته الصبح اريد افتح على باب الله لكيت المكاين كلها محتركة يعني شنو ذنب العالم هاي ".

هذا ويشهد الشارع العراقي حالة من الترقب سيما بعد إعلان هيئة الانواء الجوية ان الايام القادمة ستشهد امطارا غزيرة وسط مخاوف البعض من انهيار منازلهم المتهالكة بفعل الامطار.

يمكنكم مشاهدة التقرير على الفيديو أعلاه.

بالفيديو: مدينة الصدر تعاني من طفح مياه المجاري

محليات

بالفيديو: مدينة الصدر تعاني من طفح مياه المجاري

بعد مرور أسبوع على الأمطار التي تسبّبت بغرق أغلب مناطق العاصمة بغداد، لاتزال أحياء مدينة الصدر تعاني من طفح مياه المجاري داخل المنازل