بالفيديو هل باتت علاجات الأمراض السرطانية أولوية بالمخصصات المالية؟ |...

نقص الادوية وغلاؤها وندرة مراكز العلاج مع ازدياد اعداد المصابين بأمراض السرطان هي أبرز ما يعاني منه المرضى في النجف بحسب ناشطين يطالبون الجهات المعنية بالتفاتة عاجلة لوقف تدهور صحة المصابين بهذا المرض الخبيث.

نقص الادوية وغلاؤها وندرة مراكز العلاج مع ازدياد اعداد المصابين بأمراض السرطان هي أبرز ما يعاني منه المرضى في النجف بحسب ناشطين يطالبون الجهات المعنية بالتفاتة عاجلة لوقف تدهور صحة المصابين بهذا المرض الخبيث.

حسين الخالدي ناشط مدني: فقط اكو جاهز اشعاع واحد وهذا لايكفي لسبع محافظات الحجز على جهاز الاشعاع ينراد الك اكثر من شهر بعد ما شهر سبع محافظات لازم يزحف الموعد مالتك هذا الشهر توفوا تلاثه انطوهم موعد زحفوا الموعد مالتهم خابروهم يجون يسوون اشعاع لكوهم متوفين

محمد الجاسم ناشط مدني: نشوف الكثير من المهرجانات التي تقام بسم امراض السرطان ولكن السوال ماذا قدمنا للمرضى اليوم رسالتنا الي نريد نقدمها من خلال قناتكم الموقره اليوم اكو تغييب حقيقي لهذه الحاله الانسانيه اليسوم نحتاج ورسالتنا يجب ان تصل الى كل المسؤلين ان يجب ان يراعون خصوصا أطفالنا وابنائنا من مرضى السرطان

وتدور المطالبات في حلقة مفرغة من الروتين الإداري بين الدوائر المعنية في وقت يحتاج المصابون الى بث روح الامل لمقاومة السرطان بحسبهم.

جعفر عباس المحنة المعاون الاداري لمركز الأورام : الان عدنا في مركزنا جهاز واحد يسمونا المعجل الخطي هذا الجهاز بصراحه يعني الان جاي يشتغل شفتين شفت صباحي وشفت مسائي باليوم سبعين مراجع مساله التخصيص المالي هيه المشكله اكو تخصيص مالي لكن مرات يضيقون عليك يطوك تخصص مالي لكن تشتاري ضمن الظوابط مرات الظوابط اللي توضع معقده بصراحه جدا معقده اللي احنا واضعيها على انفسنا من قبل الوزاره صراحه

شاب مقاوم للسرطان : احد الأشخاص المصابين بمرض السرطان ماعنده كروه يجي بيها للمركز كيف هذا يوفر علاج ابره مليونين ونص ؟ كل خمستعش يوم يضربها اكيد يستسلم الحاله النفسيه الها دور مادام ماكو فلوس مادام ماكو علاج فالحاله النفسيه تسوء عليه راح يستسلم للمرض وينصاب ويتوفى

ويفد يوميا حوالي ثلاث مائة مصاب بالسرطان من محافظات الفرات الأوسط الى النجف التي لا تمتلك سوى مركز اورام واحد لم يتلق أية تخصيصات مالية منذ أربع سنوات .

بالفيديو هل باتت علاجات الأمراض السرطانية أولوية بالمخصصات المالية؟

محليات

بالفيديو هل باتت علاجات الأمراض السرطانية أولوية بالمخصصات المالية؟