تربية الحمام تجارة تطير في الجو

يعملون بالطيران ولا يجدون اي عناء في متابعة ثرواتهم وهي تطير، فالمطيرجية وهي لفظة اطلقت على مربي طائر الحمام في العراق بعد ان أجلستهم البطالة، باتوا يجدون في الحمام متنفسا يبعدهم عن هموم إيجاد فرص...

يعملون بالطيران ولا يجدون اي عناء في متابعة ثرواتهم وهي تطير، فالمطيرجية وهي لفظة اطلقت على مربي طائر الحمام في العراق بعد ان أجلستهم البطالة، باتوا يجدون في الحمام متنفسا يبعدهم عن هموم إيجاد فرص عمل ونق زوجاتهم كما يقولون. ليث ابراهيم/ هاوي طيور: ماكو شغل خوش شغل احسن نتونس تعينات ماكو كلشي ماكو نشتري طيور ونبيع كلشي لا بلدية لاشغل نشتري طيور ونبيع- تربح من وراها- اي خير من الله ليش لا. حربي/ مطيرجي: من اضوج اجي اطيرهن ترتاح نفسيتي مثل عندي فد مشكلة اصعد ترتاح نفسيتي،اني اهوه الطيور وبصراحه ويه زوجتي حجت ويايه علطيور كتلها لو انتي لو الطيور فسكتت. حاتم علوان/هاوي طيور: جايين هنا نشتري ونبيع على الطيور خلصنة لا تعينات لا هاي ملينه عيشتنه على الطيور. اما في هذا السوق الواقع في وسط بغداد فتتحول تربية الطيور من مجرد قصة عاشق ومعشوق إلى تجارة واستثمار لا يقل شانا عن باقي الاستثمارات تارة وتارة أخرى إلى ثروة من منتوفة الجناحين يكتفي اصحابها بالتفرج عليها. هاشم طاهر/مربي طيور: اتعلمت الطيور من والدي من اني صغير علمني وخلاني اربي طيور، اهواهن ما ابيع واشتري بيهن بس اني صح اشتري بس اخليهن بالبيت يعني ما طيرهن مجرد اخليهن بالسطح واباوع عليهن. هادي محمود/ بائع طيور: كل واحد اله اسم هذا الطير هذا ادلع هذا احبش بي بس الكصة نسمي الاحبش هذا يصير غالي اغله الاسعار مالتهن، اكو زوج يسمو الحلوات القبطات يوصل لل150-200 الف حتى بالورق تصير شغلاتهم هاشم عباس/ بائع طيور: بس بالحمر اشتغل اكو 100- 75 اكو65،حسب نقشته نهنه انواع ونقشة هسه مثل هاي البارحة بعتها 40 لكن المردود المالي لهذه التجارة بحسب البعض لا يرتفع في الجو كما تفعل التجارات الأخرى لكنهم يؤكدون انهم لجأوأ اليها لقلة الخيارات المطروحة امامهم محمد صاحب/بائع طيور في مدينة ديالى: الحمد الله والشكر عندي هناك خير من الله بس ولع بيهن ابيع واشتري لا والله تصعد فلوس وتنزل ظروك. ذياب ياسين/بائع طيور: ربحهن زين الحمد الله يمشي حال، قلة شغل شغل ماكو ماكو غير هيه هاي الشغلة واحد يشتغلها. وتشغل طيور هذا الرجل المعروف بأسم حربي المطيرجي الجزء الاكبر من اهتمامه ولا تشكل نظرة المجتمع لشريحة مربي الطيور التي ينتمي اليها اي مشكلة برغم ان المجتمع العراقي ينظر بعين طائر لمربي الطيور حصراً دون مربي باقي انواع الحيوانات الاخرى

تربية الحمام تجارة تطير في الجو

أمن

سياسة

أمن

الحمام

تجارة

المجتمع العراقي

المجتمع العراق

مدينة ديالى

هادي محمود

محمد صاحب

وسط بغداد

حمد الله

العراق