اهالي منطقة الحرية في بغداد يعبّرون عن فرحتهم برفع الحواجز الكونكريتية

منطقة الحرية ببغداد انضمت الى المناطق سعيدة الحظ برفع الحواجز الكونكريتية التي احاطت بها طوال مايقرب من ثلاث سنين. تسببت خلالها بقطع أرزاق العديد من ابناء المنطقة فضلاً عن الأضرار الأخرى التي سببتها...

منطقة الحرية ببغداد انضمت الى المناطق سعيدة الحظ برفع الحواجز الكونكريتية التي احاطت بها طوال مايقرب من ثلاث سنين. تسببت خلالها بقطع أرزاق العديد من ابناء المنطقة فضلاً عن الأضرار الأخرى التي سببتها تلك الحواجز. أحمد ألساعدي / قائد فرقة المشاة السادسة : ( أحنه اليوم في منطقة الحرية لرفع نحو 4800 صبه بإشراف الكتيبة الهندسية من الفرقة السادسة وبمشاركة الجهد المدنية طبعا هذه هي الخطوة الثانية بعد منطقة الغزالية والمناطق التي ضمن قاطع مسؤوليتنا ونحن سنستمر في المناطق الاخرى وفق خطة معينة وخلال شهر سيكون هنالك رفع لبعض الصبات) أبو علي / مواطن من منطقة الحرية : ( هسه من شالوه الحمد الله والشكر الناس كامت شوف الواحد هذا الشارع جان ميت جان بيه محلات وجانت مسدودة ماكو عبالك سجن) حبيب صالح / مواطن من منطقة الحرية : ( أصحاب المحلات الي جان بيه أربع الى ثلاثة عمال كوله مبطلو ليش لان ماكو شغل شوف كم عائلة لكل عامل هس الحمد الله والشكر اليوم اهل الحريه استبشرو بخير برفع الصبات) لكن مواطنين آخرين أبدو استغرابهم من عدم رفع الحواجز في جميع مناطق العاصمة بحسب وعود المسؤولين الامنيين والتي وصفوها بالكاذبة. محمد فؤاد / مواطن : ( بالنسبة للصبات من العام كال رئيس الوزراء راح يشيلوها لحد ألان مشالوها ولو تروح لمدينة الصدر عبالك شنو تدري ايصيحوله باب الحاره وهسه المطلك كالو حتصير خدمات ويشيلوها كوله كذب وعود كاذبه) أبو حسين / مواطن : ( أنا أعرف لحد الان مناطق اكو بيه صبات مشايليه وأكو مناطق مضايقتهم الصبات والصبات شنو معناها لوشيلوها هواي أحسن ) أم وسام / مواطنه : ( أني عندي سيارة وأتجول في بغداد أروح اسوك وهيج لحد الان ماشفت صبه نشالت ولاحاجز) وبينما وصل تركيز الاجهزة الامنية على اصطحاب الاعلام كلما رفعت الحواجز الكونكريتية من منطقة الى درجة ان يدعي اعلام تلك الاجهزة وجود مؤتمرات مهمة لاغراء الاعلاميين بالحضور .. يقول المواطنون من جهة اخرى ان على تلك الاجهزة ان تنسى الاعلام وتركز على فتح الشوارع المغلقة منذ سنين.

اهالي منطقة الحرية في بغداد يعبّرون عن فرحتهم برفع الحواجز الكونكريتية

أمن

سياسة

أمن

منطقة

الحرية

بغداد

يعبّرون

فرحتهم

الحواجز

الكونكريتية

منطقة الغزالية

رئيس الوزراء

مدينة الصدر

محمد فؤاد

أبو حسين

حمد الله

الغزالية

أم وسام