استئناف منح تاشيرات الدخول للبنغلادشيين الى العراق

قرار رئيس الحكومة باستئناف منح تاشيرات الدخول للبنغلادشيين الى العراق لغرض الزيارة فقط لم يكن خبرا سارا للكثير من العراقيين الذين يعاني اكثر من ربعهم من البطالة.. فهؤلاء يتخوفون من أن يستغل العمال...

قرار رئيس الحكومة باستئناف منح تاشيرات الدخول للبنغلادشيين الى العراق لغرض الزيارة فقط لم يكن خبرا سارا للكثير من العراقيين الذين يعاني اكثر من ربعهم من البطالة.. فهؤلاء يتخوفون من أن يستغل العمال الاسيويين موضوع الفيزا للسيطرة على سوق العمالة في العراق، تخوف كان مبالغا فيه بالنسبة للبعض باعتبار ان العراقيين لا يقبلون بالقيام بالاعمال التي يقبلها الاسيويون وإن قبلوها لا ينفذونها بالجودة نفسها. مواطن / الشعب العراقي اولى من هذا ليش اني اجيب عمالة اجنبية من برة والشعب كاتله الجوع وخيرنا لغيرنا ؟ مواطن / اللي ماعدهم فد فرصة عمل اكيد يشتغلون بهيج شغل مثل مانكول شغل عادي بدال العامل البنغلاديشي ليش يجي البنغلاديشي من غير بلاد احنه موجودين ونشتغل واحنه دنشتغل كل الشغلات . صاحب محل تجاري / البنغلادش عامل ايجابي كونهم وجدناهم خدومين وماياثرون على المجتمع والحالة الامنية .. ووجدناهم نفيعين اكثر من العامل العراقي لانه العراقي قد يتذمر ومايعمل بصورة صحيحة عكس العامل البنغلاديشي . صاحب محل تجاري / البنغلادش احنه جايبيهم من برة ونصرف عليهم ولو همه يشتغلون بصورة صحيحة وعدهم اخلاص بالعمل بس اكو ظواهر سلبية طلعت عدهم بالنسبة الي افضل اشغل العراقي احسن مما اجيب واحد غريب من برة . لكن وزارة العمل يبدو أنها لن تكون معنية بالتعليمات التي اصدرها رئيس الحكومة لتسهيل عملية دخول البنغلادشيين إلى العراق وتؤكد أنها ممتنعة عن توقيع اية تاشيرة دخول لاي عامل اجنبي باستثناء ذوي الخبرات غير الموجودة في البلاد. نصار الربيعي / وزير العمل والشؤون الاجتماعية / انا من اصبحت وزيرا لحد الان لم ولن اوقع على اي عامل غير فني ... قرار اتخذ هذا يختلف هذا مسؤولين مشاريع اصحاب شركات والموظفين الكبار هاي حالة خاصة ياتي تأشيرته يدخل ويخرج خارج العراق فمراح يشتغل عامل ولا يشتغل بوظيفة معينة . .. الخاضع لتأشيرات دخول عامل ويريد يعمل بالعراق هذا مانسمح بيه الا وفق ضوابط اللي موضوعة ومتفق بيها مع دولة رئيس الوزراء والامانة العامة لمجلس الوزراء . وحتى لو كان الامر غريبا.. فان القرار الحكومي بمنع دخول العمال الاجانب الى العراق قد اراح العمال الذين دخلوا قبل صدور القرار.. والذين ارتفعت اجورهم نسبيا بسبب قلة العرض وارتفاع الطلب. عامل بنغلاديشي / زين الحمد لله الشغل زين ماكو مشاكل شغل زين في بنغلاديش هواية عمال وماكو شغل شيسوي بعد . عامل بنغلاديشي / اني سنتين ونص هنا شغل زين الحمد لله اعرف بنغلاديش شغل اكو بس زين الشغل بالعراق . عامل بنغلاديشي / الحمد لله شوية احسن بنغلاديش شوية شغل بالعراق زين الشغل . ويقول مراقبون ان الاجور المتدنية نسبيا التي يعمل بها العمال الفلبينيون والبنغلادشيون والهنود تمثل اغراءا كبيرا لذوي المحال والمشاريع التجارية الصغيرة والمتوسطة وحتى الكبيرة.. بينما تمثل تهديدا للكثير من العراقيين الذي يجدون انفسهم غير قادري على المنافسة من اجل فرص العمل القليلة اصلا الموجودة في البلاد

استئناف منح تاشيرات الدخول للبنغلادشيين الى العراق

أمن

سياسة

أمن

تاشيرات

الدخول

للبنغلادشيين

العراق

الشؤون الاجتماعية

مجلس الوزراء

رئيس الوزراء

نصار الربيعي

وزارة العمل

مجلس الو

الفلبين

الربيعي