عدوى التظاهرات تنتقل الى الشركة العامة للصناعات الجلدية

تجميع علب الالومينيوم لبيعها لاحقا بالكيلو إلى مصانع التدوير ليس المهنة الأصلية للحاج هاشم، فهو احد منتسبي الشركة العامة للصناعات الجلدية في بغداد لكن تردي راتبه اضطره إلى مزاولة هذا العمل بعد الدوام...

تجميع علب الالومينيوم لبيعها لاحقا بالكيلو إلى مصانع التدوير ليس المهنة الأصلية للحاج هاشم، فهو احد منتسبي الشركة العامة للصناعات الجلدية في بغداد لكن تردي راتبه اضطره إلى مزاولة هذا العمل بعد الدوام وهو ما دفعه وزملاؤه إلى التظاهر للمطالبة بتحسين أوضاعهم. مناضل عطيه حسين / احد منتسبي الشركة العامة للصناعات الجلدية لليوم التاسع ولم يزرنا اي وفد من وزارة الصناعة وكأن الامر لايعنيهم .احنه عمالنه عدهم استعداد كلش قوي ينزلون للشارع وقطع الشارع. جميل صغير / احد منتسبي الشركة العامة للصناعات الجلدية هاي العالم كلهه كاعده بالايجار يعني راتب الدائرة صار كله لابو الحصة وهاي العوائل كلهه كاعدة محد يسمعهه حرام ملينه . هاشم ياسين علي / احد متسبي الشركة العامة للصناعات الجلدية احنه رواتبنه بسيطة الى ابعد الحدود 200و300 الف دينار . كمنه نلم قواطي ونبيعهه ونجيب قدر الامكانية للجهال واني عندي خمسة وين اروح. ويبين المتظاهرون أنه بدلا من ان تعالج أوضاعهم فوجؤوا قبل فترة بكتاب من وزارة الصناعة يقضي باعتبار الشركة من الشركات الخاسرة وهو ما دعاهم الى المطالبة بفتح تحقيق خاص بشركتهم كونها من الشركات المنتجة كما يقولون مظهر خلف / احد منتسبي الشركة العامة للصناعات الجلدية هاي الدائرة من الفين وثلاثة لحد الان دائرة منتجة مو دائرة خسرانه تعد حالهه حال الدوائر الخسرانة فشنو السر الي انه وزارة الصناعة تعتبر هاي الشركة من ضمن الشركات الخسرانه. رعد صلاح كريم / احد منتسبي الشركة العامة للصناعات الجلدية الوضع خطير الفساد الاداري منتشر في هذه الشركة انتشار فظيع نطالب رئيس الوزراء بفتح تحقيق خاص بهذه المنشأة. محاولتنا لقاء أحد مسؤولي الشركة عملا بإيراد الرأي الآخر قوبلت بالرفض بحجة وجود اوامر عليا تمنعهم من التصريح عن التظاهرة التي تأتي بعد ايام من تصريحات رئيس الحكومة العراقية بأن لدى المتظاهرين حقوق مشروعة ينبغي التنبه لها.

عدوى التظاهرات تنتقل الى الشركة العامة للصناعات الجلدية

أمن

سياسة

أمن

التظاهرات

تنتقل

الشركة

العامة

للصناعات

الجلدية

الحكومة العراقية

وزارة الصناعة

الشركة العامة

رئيس الوزراء

الدوائر ال

صلاح كريم

العراق

بغداد