اجواء رمضان في ساعات متقدمة من ليل بغداد

هكذا تبدو الاجواء في ساعات متقدمة من ليل بغداد .. خاصة في شهر رمضان.. .. الشوارع تبدو مزدحمة على عكس الحال في النهار .. بينما تبدو الاسواق والمقاهي والكازينوهات مكتظة بالناس الذين يقولون ان تحسن...

هكذا تبدو الاجواء في ساعات متقدمة من ليل بغداد .. خاصة في شهر رمضان.. .. الشوارع تبدو مزدحمة على عكس الحال في النهار .. بينما تبدو الاسواق والمقاهي والكازينوهات مكتظة بالناس الذين يقولون ان تحسن الوضع الامني نسبيا اعطاهم الضوء الاخضر للخروج ليلا بعد نهار طويل وحار. مواطنة ورة الفطور رمضان هالسنة اشوفة خير السنة وضعنا احسن بكثير يوم بعد يوم يتوارى الوضع العراقي يتحسن انشالله .. لانه الدنيا حارة هسة الجو فد شي برودة وتعرف على جونا هذا حار كلش صار هسة العالم ورة الفطور تطلع مثل هسة احنه عائلتنه جينا عالبرودة وشوية نتونس. مواطن والله الظهرية تعرف العالم صايمة وتنام وشغل ..بالليل نرفه عن نفسنة والجو حلو بالليل والطلعة بالليل تصير حلوة ورة الفطور تصير شغلة حلوة. مواطن الوضع الامني بعده شوية نكول انشالله السنه القادمة يصير احسن من هاي السنة يعني بعده البلد هم شوية بيه اضطرابات وانالله خير. الجهات الامنية من جانبها اكدت اعدادها لخطة امنية شاملة لتامين المواطنين خلال شهر رمضان شملت دور العبادة والكازينوهات والمطاعم والمقاهي وحتى الطرق اثناء اوقات الافطار. اللواء علي الفريجي / قائد الفرقة السابعة عشر هنالك خطة موضوعة نفذت من اليوم الاول تتضمن عدة مراحل جزء منها بما يتعلق باداء مناسك المواطنين في شهر الفضيلة مثل صلاة التراويح صلاة الصبح او الفجر بنفس الوقت اعددنا خطة لتامين الشوارع وحمايتها في الفترات اللي تقل بيها المواطنين على الطريق واقصد فترات الفطور خوفا من زرع العبوات الناسفة او غيرها وتم تامين الحماية لجميع الكازينوهات والاسواق هذي كلها موضوعة ضمن خطة متكاملة. ويبدو ان هذا التحسب الامني قد حقق شيئا على الاقل حتى هذه اللحظة خاصة وان المواقع التي تحصي الهجمات المسلحة قد سجلت تدنيا في تلك الهجمات منذ بداية رمضان وحتى الان

اجواء رمضان في ساعات متقدمة من ليل بغداد

أمن

سياسة

أمن

رمضان

ساعات

متقدمة

بغداد

علي الفريجي

قائد الفرقة

العراق

كازينو

بغداد

فضيلة

تامي

اللي