بالفيديو: اصحاب المولدات الاهلية يشكون من عدم تجهيزهم بالكاز

عدم تجهيز أصحاب المولدات الاهلية بقاطع بلدية الكرادة من قبل وزارة النفط، دعا أصحاب المولدات للذهاب الى المجلس البلدي مطالبين بتجهيزهم بالكاز بحسب الاتفاق المبرم بين اصحاب المولدات ولجنة الطاقة في مجلس المحافظة.

في هذا السياق، قال صاحب مولدة اهلية: "صار تاخر كلش قوي دزونه لوزارة النفط و القوائم موجوده هناك بوزارة النفط ونروح للوزارة النفط ما نلكة القوائم نرجع للمجلس محافظة يابة نطونه رقم وتاريخ مال الكتب ميقبل ينطينه ايضا، بالنسبة ليكولون الكاز مدعوم مجانا مو مجان السعر مدعوم ب400 دينار السعر فاحنه بهيج حاله كاعد نتأذه حيل لان احنه يوم 30 بالشهر ما مستلمين زين احنه شغلنة حسب الاصول كهرباء للمواطن تأذينة".

المجلس البلدي في قاطع الكرادة دعا مجلس المحافظة الى تجهيز المولدات بالكاز مبيّنًا انعكاس عدم ذلك سلبًا على المواطن كون اسعار الامبير سترتفع أكثر.

مديحة حسن، رئيسة لجنة الطاقة في المجلس البلدي لقاطع الكرادة، قالت: "الكثير من اصحاب المولدات يكولون نشتري ب400 او اقل من هذا السعر من مناطق معينة في مدينة الصدر في البلديات بسعر اقل من بغداد الجديدة حتى اكدر ازود بي المولدة لا راح ادفع مليون ونص غرامة ولا راح يجي احد يحاسبني للاسف ماعدنه قانون موحد في مجلس محافظة بغاد او قانون موحد يعاقب اصحاب اهل المولدات مثل ما موجود في باقي المحافظات كربلاء والنجف لان اصلا الحصة لنطيه مو كافية".

وتعاني أغلب مناطق العاصمة من انقطاع مستمر في الطاقة الكهربائية في ظل ارتفاع درجات الحرارة لفصل الصيف هذا العام، فضلا عن معاناة اهل المولدات الاهلية الذين سيضطرون الى عدم التشغيل بحسب قولهم.

يمكنكم مشاهدة التقرير على الفيديو أعلاه.