بالفيديو: زينب طفلة مصابة بالسرطان توجّه نداء إستغاثة

في هذا البيت الذي يفتقر لأبسط مقومات الحياة بقرية السحابة في الديوانية، بدأت قصة الطفلة زينب مع سرطان الوجه الذي نقش على وجهها تشوهات عجز ذووها عن مواجهتها

في هذا البيت الذي يفتقر لأبسط مقومات الحياة بقرية السحابة في الديوانية، بدأت قصة الطفلة زينب مع سرطان الوجه الذي نقش على وجهها تشوهات عجز ذووها عن مواجهتها، فيما وجهوا نداء عبر كاميرا السومرية علّهم ينالون شيئا من المساعدة.

وتقول ام زينب: "كل الي عدهم غيرة وكل الي عدهم نخوة ويشوفون جهالهم شلون يلعبون يذكرون زينب ويسغولها السعي الطيب بحق امة محمد عليهم بحق زينب المظلومة الاسيرة احلفكم بيه".

ويضيف عباس جاسم، والد زينب: "زينب بنتي الي نصابت بمرض السرطان حوالي اربع سنوات ظل بيه هذا المرض فما تعالجت بالعراق اجتي منظمة حالة انسانية الي هو احمد الشيباني اجاني لهنا، وهو سعى بيه وتعب بيه وراح للوزارة وسوى معاملته وطلعوها لتركيا سولهه عمليه بتركيا بقينه 72 يوم بتركيا رجعنا للعراق كالولنة تبقون ثلاث اشهر وترجع لتركيا فالوزارة ما قبلت ترجعها".

وزارة الصحة وبعد تبنّيها علاج زينب خارج القطر في مرحلتها الاولى، فإن مرحلتها الثانية تأخرت حتى الان، حيث تتنفس الطفلة الان من فتحة موجودة في الرقبة.

ويقول احمد الشيباني، متطوع لحالة زينب: "اتصل بيه الدكتور منتظر الي جان على الاخلاء الطبي قال انه عدنه تنسيق ويه شركة اسمها ابن سينا وهيه متعاقدة ويه الوزارة هي الي راح تخرجها وجيب لنا الطفلة وسيلها تحاليل وكلهن سويتهن وسو وياهه مقابلة ولحد الان الاجابة صار اكثر من شهرين مجايتني الاجابة مالته يومية يطلعون ويكولون راح نشوفاها مستشفى ثانية بالهند بتركيا ما الها علاج مع العلم انه المستشفى الي بتركيا اكدت انه لازم ترجع بعد شهرين من اجراء العملية الاولى لازم ترجعلهم حتى يكملون المرحلة الثانية من العلاج وهي يرادلهه اكثر من مرحلة وبالتالي الطفلة جاي تتنفس من الفتحة الموجودة بالرقبة ".

زينب التي لم تعرف سوى الألم وتتحاشى النظر في وجوه الاخرين، وجهت رسائل عدة الى من يهمهم الامر، علّ الضمير يصحو لتأخذ حقّها في علاج يعيد وجهها لما قبل هذا المرض.

يمكنكم مشاهدة التقرير على الفيديو أعلاه.

بالفيديو: زينب طفلة مصابة بالسرطان توجّه نداء إستغاثة

محليات

بالفيديو: زينب طفلة مصابة بالسرطان توجّه نداء إستغاثة

في هذا البيت الذي يفتقر لأبسط مقومات الحياة بقرية السحابة في الديوانية، بدأت قصة الطفلة زينب مع سرطان الوجه الذي نقش على وجهها تشوهات عجز ذووها عن مواجهتها