بالفيديو: من جديد... ظهور مرض انفلونزا الطيور في ديالى

مع بداية العام الجديد، شهدت ناحية جديدة الشطّ في ديالى تسجيل أول إصابة بمرض انفلونزا الطيور في احدى حقولها بعد رصد ومتابعة من قبل مفارز البيطرة، قبل أن تقوم بعملية إعدام لآلاف الدجاج كإجراء وقائي لمنع انتشاره الى بقية الحقول، فيما شكا اصحاب حقول الدواجن في الناحية من غياب الدعم الحكومي لهذا القطاع.

في هذا الاطار، قال صاحب حقل دواجن: "قبل جانت اكو لقاحات او طائرات مثلا تكافح هالمراض هاذي تكافح اللي داير ما داير الحقول هسة ماكو هاي كليتها انفقدت واكثريته انه شغلات تجارية شغلات تجارية حتى الدوى الموزين يمشوا عليك لان تجارة بس انه لو وزارة الزراعة توفر اللقاحات حتى تكون انه من ايد امينه انه انت من الدولة تجي تاخذها مآمن". (كلام محكي)

وأضاف مربّي دواجن: "بالفترة الاخيرة انتشرت عدنا بالمحافظة او بالعراق عدة عتر من الانفلونزا وحاليا يمكن انتو شغتوا قسم من عدها حقول انقفلت طمر الدجاج مالتهم وحركوا الدجاج مالتهم لان اتعرضت الحقول الى الاصابة بانفلونزا الطيور كثرة الاستيراد طبت هواي عتر وهواي مشاكل صارت بالدواجن من وره الاستيراد". (كلام محكي)

الحكومة المحلية كشفت عن حجم أعداد الدجاج التي جرى اعدامها للسيطرة على المرض مع الاشارة الى اسباب بروزه في ناحية جديدة الشط حصرا.

علي الدايني، رئيس مجلس محافظة ديالى، قال: "بحدود الـ 25 ألف دجاجة ولربما هذا العدد يزيد اكثر في ناحية جديدة الشط الانتشار حقيقة حددوا الاصابة بانفلونزا الطيور واعدام هذة الاعداد للسيطرة عل المرض يعني اني اعتقد اذا ما رجعنا اليوم المنطقة هذه تكون قريبة عل الشارع اللي يربط والمواد الغذائية اللي تجينا من الخارج الى بغداد اعتقد لربما الها دور كبير خصوصا انه هذا الفايروس ينتقل بسرعة خلال الهواء الى الحقول القريبة وبالتالي في الغالب هذه المنطقة دائما تتأثر كل سنة بهذا المرض". (كلام محكي)

إعدام آلاف الدجاج يمثل خطوة استباقية لمنع انهيار قطاع الدواجن الذي يمثل احد اهم القطاعات الحيوية في المحافظة،وسط تخوفات من الاستيراد العشوائي للدواجن كونه قد يكون السبب الرئيس في تفشي الكثير من الامراض.

يمكنكم مشاهدة التقرير على الفيديو أعلاه.