إقفال الملاهي الليلية ومحلات الخمور في بغداد

بهذا القفل اغلقت قاعة شهدت ولادة الكثير من الاعمال الادبية من قصائد وقصص. فحال قاعة النادي الترفيهي لاتحاد الادباء العراقيين بدت كحال النوادي الليلية وقاعات الاعراس ومحال بيع المشروبات الكحولية التي قرر مجلس محافظة بغداد إغلاقها. هذه القاعات خلت ايضا من روادها وبدت صامتة على غير عادة اثر شمولها بقرار الاغلاق الذي دفع القائمين على إدارتها للتشكيك بالنظام الديمقراطي الذي قالو انه يفترض ان يحمي الحريات الشخصية متهمين جهات امنية باستغلال معاناتهم عبر الابتزاز المالي ابعاد شبح السجن عنهم. صاحب فندق وقاعات اعراس : صارت دكتاتورية انكس من قبل ،اني بالنسبة الي ابو فندق صارلي 11 يوم بالسجن ويريدون فلوس مني اي جهة تجي تاخذ فلوس منا هم كمنا مانعرف رجلنا من راسنا . صاحب قاعات اعراس: استقر الامان اهم شي الامان يعني الناس بدل ما تشرب بالشارع ويروح لغير مكان يجي للقاعة تجي تلمه من الليل للصبح ووراها راح للبيت وانتهى وواحد من مسببات الامان هي القاعات هي اللي توضح للعالم انه اكو امان العالم تجي تسهر وتروح وفرحانه ومكيفة من تجي تسدها للقاعة وين الديمقراطية ، ليش اول مرة فتحو القاعات وخلوها مستمرة الا ان وصل العيد غلقوا القاعات كلها العالم كلها تطشرت مع احترامي الفنانات الراقصات بالشوارع الحجي كله هسة بالبيوت جانت القاعات لامتهم اكو سياحة جانت تجي تفتش وماتلكه شي .اكثر من عشرين عائلة عايشة على هاي القاعات. الفنانون العاملون في النوادي الليلية عبروا عن استغرابهم من القرار مشيرين الى ان مبعوثين حكوميين اقنعوهم بالعودة من المهجر والعمل في العراق ليتفاجؤوا بقرار الاغلاق يستقبلهم بدلا من الدعم الذي وعدوا به الفنان حسين غزال: هناك خارج البلد التقوا بينا مبعوثين من رئاسة الوزراء فلما التقو بينا المبعوثين كالو يابة انتو رجعو للعراق انتو ليش هنا متبهذلين تعالو هناك عملو وقاعات دتشتغل وفنادق وكلشي اصولي فاني من رجعت للعراق شو صدفة دخلو النه يابه اغلاق جايبين لكون القاعات رقص وكذا زين احنة ليش رجعنة ؟؟ هيئة السياحة ماجاي تصدرلنه اجازات بهيئة السياحة ودافعين رسوم يكول اني ماوقع على القاعات محمد الرحال / فنان: اني هسة حاجز بالطيارة بعد باجر بسبب هذا القرار اني احد الفنانين اصحاب العوائل مجلس محافظة بغداد برر القرار من جهته بعدم التزام هذه القاعات والنوادي بالنظم والتعليمات المنصوص عليها لافتا الى ان اللجنة الامنية ستتكفل بعملية متابعة تنفيذ هذا القرار. عبد الكريم ذرب / رئيس اللجنة الامنية في مجلس محافظة بغداد: تنفيذا لقرارات مجلس محافظة بغداد كلفنا اللجنة الامنية بمتابعة تنفيذ غلق القاعات المجونة باللهو الليلية ومخازن الخمور اللي غير مرخصة وخارج الضوابط بحسب القانون السابق المعمول به في الوقت الحاضر لكن قانونيين اشاروا من جهتهم الى ان قرار مجلس المحافظة يتعارض مع احكام القانون العراقي موضحين أن الحكومة المحلية لا تمتلك صلاحيات لإصدار مثل هكذا قرار. طارق حرب / خبير قانوني: الاجراء المتخذ حاليا هو ايقاف منح الاجازات وايقاف المنح مخالف لاحكام القانون الي كال انه تطلع جهة رسمية تكشف عن المحل ويشوفون المواصفات المتوفرة فيه ثم تمنح الاجازات اذا اردنا ان نلغي احكام قرار مجلس قيادة الثورة رقم 82 اللي ينظم هذا الامر فيجب ان يصدر تشريع من مجلس النواب وليس من الحكومة المحلية لان صلاحياتها محدودة قرار اغلاق محال بيع المشروبات وقاعات الاعراس والنوادي الليلية اصبح مثار جدل واسع بين رافض لهذا القرار لاسباب شتى منها انه سيشجع تجارة المشروبات في السوق السوداء وكذلك اقامة الملاهي السرية غير المرخصة وبين مؤيد له يعتبر ان هكذا محال تتناقض ومبادئ التيار الديني المحافظ المتنامي النفوذ.